《一支公飲食地圖：海安咖啡室》
今次又喺去茶記。海安咖啡室其實食過幾次了。60年不變嘅舖面俾人一種難得嘅安全感，覺得就算好耐無去，仍然know your way around。
更難得嘅喺，海安幾年前裝修，但竟然保留住原本設計，扮文青留倩影一流。順帶一提，當年海安對出就喺上環海傍，好多海員幫襯，所以茶記個名就叫海安，好意頭啲。
食物方面，都喺老實無花巧嘅茶記好物，講唔出有咩特別必食，但睇得出對食物細節有要求，店員們亦都有活力，絕對唔會倚老賣老。佬編當日食得幾滿意。
獨食海安固然好ok，不過這類舊茶記有個特點，就喺座位比較淺窄，有人覺得唔好坐，但佬編就喺貪佢夠逼。想像下，如果約心儀已久嘅女/男神去海安，一齊搭檯坐埋一排窄卡位，身邊人嘅氣息就喺你耳邊、手臂同大脾不經意地碰到...oh well，到時一支公與否，who gives a damn？
更多ㄧ支公獨食好去處：http://bit.ly/1YfeE1A
Search